سرکاری املاک نوں نقصان پہنچان والیاں خلاف سخت کارروائی کیتی جائے گی، مریم اور نگزیب

اسلام آباد(پنجابی میڈیاگروپ)وفاقی وزیر اطلاعات و نشریات مریم اورنگزیب نے آکھیا اے کہ عمران خان نوں کرپشن کیس وچ گرفتار کیتا گیا،پی ٹی آئی رہنما اپنے کارکناں نوں جلائو گھیرائو دی ترغیب دیندے رہے،پی ٹی آئی نے پچھلے دناں جوکجھ کیتا ایہ عوامی ردعمل سی؟ایہ منصوبہ بندی تحت کیتا گیا،تحریک انصاف دے لوگ عوامی تے ریاستی املاک نوں نقصان پہنچا رہے سن،اوہناں دے لیڈراں نے کیوں نہیں روکیا؟سرکاری املاک نوں نقصان پہنچان والیاں خلاف سخت کارروائی کیتی جائے گی، ایس عمل نوں برداشت نہیں کیتاجائے گا۔اپنے بیان وچ وفاقی وزیراطلاعات ونشریات مریم اور نگزیب نے آکھیاکہ عمران خان نوں کرپشن کیس وچ گرفتارکیتا گیا،عمران خان نوں ایس کیس وچ گھٹ توں گھٹ15نوٹس گھلے گئے سن۔وفاقی وزیر نے آکھیاکہ نیب ایس کیس دی تحقیقات کر رہی سی، عمران خان نیب نوں مطلوب سن۔اوہناںنے آکھیاکہ القادر ٹرسٹ کیس وچ عمران خان نے جواب داخل کرنا سی ، اوہ ایس کیس وچ پیش نہیں ہو رہے سن۔ وفاقی وزیر نے آکھیاکہ عمران خان گرفتار ہون دے بعد جس طرح دا ردعمل آیا اوہ پورے ملک نے ویکھیا۔