پیپلز پارٹی دا پی ڈی ایم دے سپریم کورٹ ساہمنے احتجاج وچ رَلت دااعلان

اسلام آباد(پنجابی میڈیا گروپ)پاکستان پیپلز پارٹی نے (اج)پیرنوں پی ڈی ایم دے سپریم کورٹ ساہمنے احتجاج وچ رَلت دااعلان کردیاں ہویاں آکھیا اے کہ سیاسی تے معاشی عدم اعتماد دی ذمہ داری عمران خان دی اے،اسلام آبادوچ دفعہ144 ختم کیتی جائے،آرمی تنصیبات نوں نقصان پہنچان اُتے آرمی ایکٹ1952دے تحت کارروائی ہونے چاہیدے نیں۔سیکریٹری جنرل پیپلزپارٹی سید نیئر حسین بخاری نے وزیر مملکت فیصل کریم کنڈی دے ہمراہ میڈیا نال گل بات کردیاں ہویاں آکھیاکہ پی پی پی (اج) پی ڈی ایم دے سپریم کورٹ سامنے جلسہ وچ رَلت کرے گی۔ اوہناں نے آکھیاکہ پیپلزپارٹی نے فیصلہ کیتا کہ عہدیدار،لیڈرشپ تے کارکن بھرپور طریقے نال رَلت کرن گے۔ اوہناں نے آکھیاکہ ملک جس حالات نال دوچار اے اوس دا ذمہ دار عمران خان تے اوس دی جماعت اے، سیاسی تے معاشی عدم اعتماد دی ذمہ داری عمران خان دی اے۔اوہناںنے آکھیاکہ پیپلزپارٹی نے پنجاب وچ الیکشن بارے مطالبہ کیتا سی کہ لارجر بنچ بنایا جائے ،اسیں سمجھدے ہاں کہ 4،3 دا فیصلہ اے چیف جسٹس 3،2 دا فیصلہ سمجھ کے عملدرآمد کرنا چاہندے نیں۔