القادر ٹرسٹ کیس کرپشن دا سب توں وڈا سکینڈل اے،عطاتارڑ

اسلام آباد(پنجابی میڈیاگروپ)وزیراعظم دے معاون خصوصی عطاتارڑ نے آکھیااے کہ القادر ٹرسٹ کیس کرپشن دا سب توں وڈا سکینڈل اے،عمران خان نے 458کنال زمین القادرٹرسٹ دے نام اُتے لئی،عمران خان تے اوہناں دی گھر والی القادرٹرسٹ دے ٹرسٹی نیں۔ میڈیا نال گل بات کردیاں ہویاں عطاء تارڑ نے آکھیا عمران خان نے ملک و قوم دے 60ارب روپے لُٹے ،عمران خان دی کرپشن تے چوری پھڑی گئی اے۔ معاون خصوصی عطاتارڑ نے آکھیاکہ عمران خان نے بندلفافے اُتے اپنی کابینہ توں منظوری لئی ، عمران خان نے قومی خزانے نوں ارباں دا نقصان پہنچایا۔عطا تارڑ نے آکھیا کہ عمران خان سیاسی مخالفاں اُتے لائے گئے الزام ثابت نہ کرسکے،عمران خان نوں اپنی لُٹ ماردا جواب دینا پئے گا۔