ترکیہ وچ تریخ رقم، طیب اردوان 20سالہ اقتدار بچان وچ کامیاب

انقرہ(پنجابی میڈیا گروپ)ترکیہ دے صدارتی الیکشن دے حتمی مرحلے وچ رجب طیب اردوان نے50فیصد توں وَدھ ووٹ لین وچ کامیاب ہوگئے،امیر قطر سنے دنیا بھر توں مبارکباداںدا سلسلہ شروع ہوگیا۔ترکیہ وچ صدارتی الیکشن دے حتمی مرحلے وچ پولنگ دا سلسلہ مقامی ویلے دے مطابق صبح8وجے توں5وجے تک جاری رہیا،صدارتی الیکشن وچ ٹرن آٹ 85 فیصد توں وَدھ رہیا۔ترک میڈیا دے مطابق ترک صدر رجیب طیب اردوان نے مسلسل دُوجی وار صدارتی الیکشن وچ فتح حاصل کیتی اے، رجب طیب اردوان نوں 52.1 فیصد ووٹ لے کے فتح حاصل کیتی، اپوزیشن دے امیدوار کمال قلیچ دار اوغلو 47.7فیصد ووٹ لے کے دُوجے نمبر اُتے نیں۔ووٹنگ دے دوران دلہا دلہن وی عروسی لباس پہنے ووٹ پان پولنگ سٹیشن پہنچے، جدکہ ترک شہری ہسپتال توں اسٹریچر اُتے ووٹ پان پہنچ گیا، پولنگ سٹیشن وچ موجود افراد نے تالیاں وجا کے مریض ووٹر دی حوصلہ افزائی کیتی۔