نوازشریف نے کَدی انتقام نہیں لئیا،حمزہ شہباز

لہور( پنجابی میڈیا گروپ)پاکستان مسلم لیگ(ن) دے نائب صدر حمزہ شہبازشریف نے آکھیا اے کہ تریخ گواہ اے نوازشریف نے کَدی انتقام نہیں لیا۔حمزہ شہبازشریف نے اک بیان وچ آکھیا کہ قوم دا اتحاد، معاشی بحالی تے مہنگائی توں عوام دی نجات نوازشریف دا مشن اے ، چوتھی وار نوازشریف دا وزیراعظم بننا مہنگائی نال چوتھی بار عوام دی جان چھڑانا ہوئے گا۔اونہاں نے آکھیا کہ ہر وار ڈِگی ہوئی معیشت تے قومی وقار نوں نوازشریف نے ہی سنبھالیا ، ہر وار نوازشریف نوں زخم لگے، ہر وار نوازشریف نے پاکستان نوں لگے زخم بھرے، تریخ گواہ اے کہ نوازشریف نے کَدی انتقام نہیں لئیا۔حمزہ شہباز نے ہور آکھیا کہ نوازشریف دی قیادت وچ مسلم لیگ(ن)نے ہمیشہ ڈلیور کیتا، ہر وعدہ پورا کیتا، پاکستان دی ترقی تے مہنگائی توں عوام دی نجات لئی لکیر صرف نوازشریف سے ہتھ وچ اے۔