صدر مملکت نے ایڈمرل نوید اشرف نوں نشان امتیاز ملٹری توں نوازدتا

اسلام آباد(پنجابی میڈیا گروپ) صدر مملکت عارف علوی نے چیف آف نیول سٹاف ایڈمرل نوید اشرف نوں نشانِ امتیاز ملٹری توں نوازدتا۔چیف آف نیول سٹاف ایڈمرل نوید اشرف نوں نشانِ امتیاز ملٹری دین دی تقریب ایوان صدر وچ منعقد ہوئی ، تقریب وچ نگراں وزیرِ اعظم انوار الحق کاکڑ، جوائنٹ چیفس آف سٹاف کمیٹی دے چیئرمین تے مسلح فوج دے سربراہاں دے علاوہ اعلی سرکاری حکام نے رَلت کیتی۔صدر مملکت نے پاک بحریہ دے سربراہ نوں اونہاں دی گراں قدر خدمتاں دے اعتراف وچ نشان امتیاز (ملٹری)عطا کیتا اے۔ایس توں پہلاں تقریب داآغاز قومی ترانے تے تلاوت قرآن پاک توں ہویا۔یاد رہے کہ 3اکتوبر نوں وائس ایڈمرل نوید اشرف پاک بحریہ دے نویں سربراہ مقرر ہوئے نیں ۔پاک بحریہ ترجمان دے مطابق وائس ایڈمرل نوید اشرف نے 1989 وچ پاک بحریہ دی آپریشنز برانچ وچ کمیشن حاصل کیتا، نوید اشرف نیشنل ڈیفنس یونیورسٹی اسلام آباد، امریکی نیول وار کالج تے برطانیہ دے رائل کالج آف ڈیفنس اسٹیڈیز توںفارغ التحصیل نیں ۔ وائس ایڈمرل نوید اشرف اہم کمانڈ تے سٹاف عہدیاں اتے کم کرن دا وسیع تجربہ رکھدے نیں،غیر معمولی پیشہ ورانہ خدمتاں تے بہادری دے اعتراف وچ نوید اشرف نوں ہلالِ امتیاز ملٹری تے تمغہ بسالت توں نوازیا جا چکیا اے۔