پاک بحریہ دے جانبازاں نے ہمیشہ شجاعت دیاں داستاناں رقم کیتیاں ،چیئرمین سینیٹ

اسلام آباد( پنجابی میڈیا گروپ)چیئرمین سینیٹ صادق سنجرانی نے آکھیا اے کہ پاک بحریہ دے جانبازاں نے ہمیشہ شجاعت دیاں داستاناں رقم کیتیاں نیں، آرمی تے ایئرفورس ونگوں پاکستان نیوی نے وی ہمیشہ دشمن دی جارحیت دا منہ توڑ جواب دتا اے ۔پارلیمنٹ ہائوس وچ چیئرمین سینیٹ صادق سنجرانی نال ریئر ایڈمرل جاوید اقبال نے ملاقات کیتی، ملاقات وچ باہمی دلچسپی دے امور تے پاکستان نیوی دے پیشہ ورانہ معاملیاں اُتے تبادلہ خیال کیتا گیا۔چیئرمین سینیٹ نے پاکستان نیوی دے افسراں تے جواناں دیاں پیشہ ورانہ صلاحیتاں نوں سراہیا۔ایس موقع اُتے چیئرمین سینیٹ دا کہنا سی کہ پاک بحریہ دے جانبازاں نے ہمیشہ شجاعت دیاں داستاناں رقم کیتیاں نیں، سمندری حدود دی حفاظت کرن والے پاک بحریہ دے افسر تے جوان ساڈھا فخر نیں، آرمی تے ایئرفورس ونگوں پاکستان نیوی نے وی ہمیشہ دشمن دی جارحیت دا منہ توڑ جواب دتا اے۔