حلیم عادل خلاف پلس موبائل ساڑھن دا کیس، پلس توں ریکارڈ طلب

کراچی(پنجابی میڈیا گروپ)سندھ ہائی کورٹ نے پراسیکیوشن تے تفتیشی افسر توں پی ٹی آئی رہنما حلیم عادل شیخ دے خلاف پلس موبائل ساڑھن دے کیس دا ریکارڈ 19 اکتوبر نوں منگ لیا۔عدالت وچ پلس موبائل ساڑھن دے کیس وچ حلیم عادل شیخ دی درخواست ضمانت اُتے سماعت ہوئی۔پراسیکیوٹر نے عدالت نوں آگاہ کیتا کہ حلیم عادل نے ٹرائل کورٹ وچ چالان جمع ہون توں پہلاں درخواست ضمانت دائر کیتی سی۔پراسیکیوٹر نے دسیا کہ چالان توں پہلاں درخواست ضمانت دائر کرن اُتے اے ٹی سی نے درخواست مسترد کر دتی سی،ہُن کیس داچالان جمع ہو چکیا اے صرف تفتیشی افسر نے پلس پیپر حاصل کرنے نیں تے تھوڑی مہلت دتی جائے۔عدالت نے پراسیکیوشن تے تفتیشی افسر توں19 اکتوبروالے دن کیس داریکارڈمنگ کے لئیا۔حلیم عادل شیخ دے وکیل ایڈووکیٹ امتیاز شاہ نے عدالت نوں دسیا کہ حلیم عادل شیخ دے خلاف سیاسی بنیاداں اُتے کیس بنایا گیا اے، حلیم عادل شیخ دے خلاف مقدمہ مبینہ ٹائون تھانے وچ درج اے۔