مسلم لیگ ن نوں مینار پاکستان اُتے جلسے دی اجازت مل گئی

لہور(پنجابی میڈیا گروپ)مسلم لیگ ن نوں21اکتوبر والے دن مینار پاکستان اُتے جلسے دی اجازت مل گئی۔ڈپٹی کمشنرلہور رافعہ حیدر نے جلسے دی اجازت لئی این او سی وی جاری کردتا۔ایس توں پہلاں ضلعی انتظامیہ دا کہنا اے کہ مسلم لیگ ن نوں مینار پاکستان اُتے جلسہ کرن دی اجازت دتی جا سکدی اے، ڈسٹرکٹ انٹیلی جنس کمیٹی دا اجلاس آئندہ 2دناں وچ ہوئے گا، مسلم لیگ ن نوں مینار پاکستان گرائونڈ وچ جلسہ کرن دی اجازت شرطاں دے نال دتی جائے گی۔دُوجے پاسے پی ٹی آئی نوں جلسے دی اجازت بارے انتظامیہ دا موقف اے کہ تحریک انصاف دی درخواست دا بغور جائزہ لیا لیکن جلسے دی اجازت ملنا مشکل اے۔انتظامیہ دا کہنا اے کہ تحریک انصاف جیتھے جلسہ کرنا چاہندی اے اوتھے جلسے دی اجازت دینا ممکن نہیں، تحریک انصاف اگر وڈھی گرائونڈ وچ جلسہ کرنا چاہندی اے تے فیر غور کیتا جا سکدا اے۔