سکیورٹی فورسز دی کارروائی، بلوچ لبریشن آرمی دا اہم سرغنہ ساتھی سَنے جہنم واصل

راولپنڈی( پنجابی میڈیا گروپ)سکیورٹی فورس ولوں بلوچ لبریشن آرمی (بی ایل اے)دے اَت گرداں خلاف خفیہ معلومات اُتے آپریشن دوران اَتگرد صدام حسین مسلم ہلاک کر دتا گیا۔سکیورٹی فورسز دے آپریشن دوران اَتگرد صدام حسین دا اک ہور ساتھی اَتگرد مقصود وی ماریا گیا جدکہ سکیورٹی فورسز نے اونہاں دے قبضے توں بھاری مقدار وچ اسلحہ تے بارودی مواد وی برآمد کیتا۔ہلاک اَتگرد صدام حسین مسلم، گرو تے جبار جہے ناماں توں وی جانیا جاندا سی، آپریشن وچ مارا جان والا بلوچ لبریشن آرمی دا اَتگرد صدام حسین 2008 وچ بلوچ لبریشن فرنٹ داحصہ بنیا۔پاکستان دشمناں ولوں 2 دہائیاں توں مسلط کیتی گئی اَتگردی دی جنگ وچ سکیورٹی فورسز نے مختلف اَتگرد گروپاں وچ شامل اَتگرداں دی وڈھی تعداد نوں ہلاک کیتا اے۔