پاکستانی پلس افسر نے اسرائیل خلاف جہاد اُتے جان دی درخواست دے دتی

کراچی( پنجابی میڈیا گروپ)سندھ پلس وچ تعینات انسپکٹرنے حماس ولوں اسرائیل خلاف جہاد وچ حصہ لین تے جسمانی طور اُتے اپنا حصہ جہاد وچ پان لئی آئی جی سندھ توں اجازت مَنگ لئی ۔ تفصیل دے مطابق ایس ایس پی انویسٹی گیشن ٹو سٹی ساوتھ زون وچ تعینات انسپکٹرفیاض احمد جانوری نے آئی جی سندھ رفعت مختار راجہ نوں اک خط گھلیا اے جس وچ انسپکٹر فیاض احمد جانوری نے حماس ولوں اسرائیل خلاف جہاد تے جسمانی طور اُتے اپنا حصہ جہاد وچ پان لئی آئی جی سندھ توں باضابطہ اجازت مَنگ لئی ۔ انسپکٹر فیاض احمد جانوری نے اپنی تنخواہ دا10فیصد حصہ وی الخدمت فانڈیشن نوں خاص طوراُتے فلسطین ریلیف آپریشن لئی پیش کش کردتی ۔ خط وچ انسپکٹر نے لکھیا کہ فلسطین دی آزادی تک جہاد لئی اجازت دتی جائے۔