اسرائیل نے حماس دے اعلی کمانڈر نوں فضائی حملے وچ قتل کرن دی ویڈیو جاری کردتی

تل ابیب( پنجابی میڈیا گروپ)اسرائیل نے حماس حملے دے منصوبہ ساز اعلی کمانڈر نوں فضائی حملے وچ قتل کرن دا اعتراف کردیاں ہویاں ویڈیو وی جاری کردتی ۔ اسرائیلی میڈیا مطابق ملکی انٹیلی جنس نے حماس سے عزالدین القسام بریگیڈ دی بحری کمانڈوز یونٹ نخبہ فورس دے سربراہ بلال الکیدرا دے غزہ دی پٹی دے جنوب وچ واقع شہر خان یونس ٹھکانے دا سراغ لایا۔اسرائیلی فورس ولوں جاری بیان وچ آکھیاگیا اے کہ خان یونس تے مغربی جبالیہ وچ100 توں وَدھ فوجی اہداف اُتے فضائی حملے کیتے، جنہاں وچ حماس دے آپریشنل کمانڈ سینٹرز تے فوجی کمپانڈاں نوں نشانہ بنایا۔اسرائیلی فورسز نے دعوی کیتا کہ فضائی حملیاں وچ حماس دے کئی اینٹی ٹینک میزائل لانچ پیڈز تے اسلحہ ساز فیکٹریاں نوں تباہ کردتا۔عرب میڈیا مطابق اسرائیلی فضائیہ دے ایس حملے وچ حماس دے جانباز نیول کمانڈو بلال الکیدرا شہید ہوگئے۔