پیٹرول اُتے آئل مارکیٹنگ کمپنیاں دا منافع ہور وَدھن دا امکان

اسلام آباد(پنجابی میڈیا گروپ)پیٹرول تے ڈیزل اُتے آئل مارکیٹنگ کمپنیاں تے ڈیلراں دا منافع ہور ودھن دا امکان ظاہر کیتاجا رہیا اے۔ذرائع دا کہنا اے کہ 16 اکتوبر توں آئل مارکیٹنگ کمپنیاں تے ڈیلراں دے منافع وچ88پیسے فی لیٹرودھن دی تجویز اے۔ذرائع پیٹرولیم ڈویژن دے مطابق آئل مارکیٹنگ کمپنیاں دے منافع وچ47پیسے فی لیٹر ودھن دی تجویز اے جدکہ پیٹرول تے ڈیزل اُتے ڈیلر منافع وچ فی لیٹر41پیسے ودھن دی تجویز اے۔ذرائع دا کہنا اے کہ او ایم سی تے ڈیلر مارجن 16 ستمبر تے یکم اکتوبر نوںوی ودھایاجا چکیا اے۔ذرائع دا کہنا اے کہ ایس ویلے فی لیٹر پیٹرول اُتے آئل مارکیٹنگ کمپنیاں 6روپے 94 پیسے منافع لے رہیاں نیں، فی لیٹر پیٹرول اُتے ڈیلر7روپے 82 پیسے منافع لے رہے نیں جدکہ فی لیٹر ڈیزل اُتے آئل مارکیٹنگ کمپنی دا منافع 7 روپے 8 پیسے لاگو اے، ایس ویلے فی لیٹر ڈیزل اُتے ڈیلر مارجن 7 روپے82 پیسے وصول کیتا جا رہیا اے۔