شمالی وزیرستان وچ شہید سپاہی دی نماز جنازہ ادا، اعزاز دے نال سپرد خاک

راولپنڈی( پنجابی میڈیا گروپ)شمالی وزیرستان وچ شہید ہون والے سپاہی دی نماز جنازہ ادا کردتی گئی، شہید نوں اعزاز دے نال سپرد خاک کر دتا گیا۔پاک فوج دے شعبہ تعلقات عامہ آئی ایس پی آر مطابق شمالی وزیرستان آپریشن وچ32 سالہ شہید سپاہی عبدالحکیم دی نماز جنازہ اونہاں دے آبائی قصبہ ضلع جعفر آباد وچ ادا کیتی گئی، شہید نوں پورے فوجی اعزاز دے نال سپرد خاک کیتا گیا۔آئی ایس پی آر دے مطابق نماز جنازہ وچ سینئر حاضر سروس فوجی افسراں نے رَلت کیتی، شہید دے وارثاں تے اہل علاقہ دی وڈھی تعداد وی نماز جنازہ وچ رَلتی سی۔آئی ایس پی آر نے ہور دسیا کہ سپاہی عبد الحکیم نے شمالی وزیرستان دے علاقے میر علی وچ اَتگرداں خلاف لڑدیاں ہویاں جام شہادت نوش کیتا سی، مسلح فوج وطن توں ات گردی دی لعنت نوں ختم کرن لئی پرعزم اے۔