پاکستان دی مثبت کریڈٹ ریٹنگ نوں برقرار رکھن لئی پُرعزم ہاں، وزیر خزانہ

اسلام آباد( پنجابی میڈیا گروپ)نگران وفاقی وزیر برائے خزانہ شمشاد اختر ہوراں آکھیا اے حکومت سرمایہ کاراں دے اعتما نوں ودھان تے عالمی مالیاتی منڈیاں وچ پاکستان دی مثبت کریڈٹ ریٹنگ نوں برقرار رکھن تے شفافیت لئی پر عزم اے۔اونہاں نے متحدہ عرب امارات دے نال باہمی تعاون دے ودھا دے امکان بارے توقع دا اظہار کردیاں ہویاں دوناں ملکاں دے اقتصادی مفاداں نوں اگے ودھان لئی مل جُل کے کم جاری رکھن دا عہد کیتا اے۔وزارتِ خزانہ مطابق نگران وزیر خزانہ شمشاد اختر نے آئی ایم ایف تے عالمی بینک دے سالانہ اجلاس وچ رَلت دے موقع اُتے عالمی رہنماواں نال اہم ملاقات کیتی اے نگران وزیر خزانہ شمشاد اخترنے گلوبل فنانشل سروسز کمپنی موڈیز دے اک اعلی سطحی وفد نال ملاقات کیتی اے ۔ اتوار نوں وزارت خزانہ ولوں جاری بیان دے مطابق ملاقات دے دوران ڈاکٹر شمشاد اختر نے سرمایہ کاراں دے اعتماد نوںودھان تے عالمی مالیاتی منڈیاں وچ پاکستان دی مثبت کریڈٹ ریٹنگ نوں برقرار رکھن تے شفافیت لئی حکومت دے عزم دا عہد کیتا اے دوناں وزیراں نے ہور باہمی تعاون دے ودھا دے امکان بارے وچ اُمید ظاہر کیتی تے اپنے ملکاں دے اقتصادی مفاداں نوں اگے ودھان لئی مل کے کم جاری رکھن دا عہد کیتا اے۔