سی پیک نے لکھاں پاکستانیاں دی زندگی اُتے مثبت اثرات مرتب کیتے،پاکستان ، چین

اسلام آباد (پنجابی میڈیا گروپ)نگران وفاقی وزیر اطلاعات و نشریات مرتضیٰ سولنگی نے آکھیا اے کہ سی پیک نے لکھاں پاکستانیاں دیاں زندگیاں اُتے مثبت اثرات مرتب کیتے نیں، سی پیک نے ساڈھی عوام لئی ترقی دیاںنویاں راہواں کھولیاں، پاکستان تے چین ایس تعاون نوںہور مضبوط بنان لئی پُرعزم نیں، سی پیک نال نہ صرف چین تے پاکستان بلکہ ایران، افغانستان، وسطی ایشیاء سنے پورے خطے اُتے مثبت اثرات مرتب ہون گے۔ ایہہ گلاں اونہاں نے پچھلے دناں ”سی پیک اینڈ مائی لائف” دے موضوع اُتے منعقدہ سیمینار نال خطاب کردیاں ہویاں کیتیاں۔ نگران وفاقی وزیر اطلاعات نے آکھیا کہ نگران وزیراعظم انوار الحق کاکڑ بیلٹ اینڈ روڈ فورم وچ رَلت لئی چین دے دورہ اُتے روانہ ہو رہے نیں، پاکستان تے چین دی اعلیٰ قیادت دے وچکار چین وچ ہون والے رابطے نال دوطرفہ تعلقات نوں ہور نویاں اُنچایاں تک لے جان گے۔ مرتضیٰ سولنگی نے آکھیا کہ سی پیک نے لوکاں دیاں زندگیاںاُتے مثبت اثرات مرتب کیتے نیں۔ لہور وچ اورنج ٹرین، سندھ وچ تھر کول تے بلوچستان وچ گوادروَرگے سی پیک منصوبیاں توں عوام نوں بے پناہ فائدہ ہویا اے۔