پی آئی اے تے پی ایس اوچ پھڈا وَدھ گیا، فلائٹ آپریشن بند ہون دا خدشہ

کراچی( پنجابی میڈیا گروپ) پی آئی اے تے پی ایس او تنازع شدت اختیار کرگیا، جس نال قومی ائرلائن دا فلائٹ آپریشن بند ہون دا خدشہ پیدا ہوگیا اے۔ذرائع مطابق حکومتی عدم دلچسپی پاروں قومی فضائی کمپنی پی آئی اے تے پاکستان اسٹیٹ آئل (پی ایس او)دے وچکار واجبات دا تنازع شدید ہوگیا اے، جس نال پی آئی اے دافلائٹ آپریشن بری طرح متاثر ہو چکیا اے تے ہُن فلائٹ آپریشن بند ہون دا خدشہ پیدا ہوگیا اے۔پی ایس او نے واجبات دی عدم ادائیگی اُتے ملتان، سکھر تے گلگت ائرپورٹ اُتے پی آئی اے نوں فیول دی فراہمی بند کردتی اے، جس دے بعد پی آئی اے نے پیر نوں آپریٹ ہون والیاں14پروازاں منسوخ کردتیاں۔منسوخ کیتیاں جان والیاں پروازاں وچ ملتان توں کراچی،ملتان توں اسلام آباد، گلگت توں اسلام آباددی دوطرفہ تے اسلام آباد توں سکھر دیاں پروازاں شامل نیں۔دُوجے پاسے ایاٹا سروس وی کسی وی ویلے عدم ادائیگی دے پاروں بند ہون دا خدشہ اے۔