نواز شریف دا نگراں حکومت توں فلسطینیاں لئی خوراک تے دوائیاں گھلن دا مطالبہ

سعودی عرب( پنجابی میڈیا گروپ)نواز شریف نے نگراں حکومت توں مطالبہ کیتا اے کہ اوہ ہر عالمی فورم اُتے فلسطینی کاز دے حق وچ آواز اُچی کرے تے مظلوم فلسطینیاں لئی خوراک، دوایاں تے ہور بنیادی شیواں گھلے ۔ ٹویٹراُتے اپنے بیان وچ نواز شریف نے آکھیا اے کہ اسرائیلی جارحیت محض فلسطین اُتے نہیں، پوری انسانیت اُتے حملہ اے، بالاں، عورتاں سنے ہزاراں معصوم شہریاں دی شہادت، انسانی ضمیر لئی بوہت وڈھا سوالیہ نشان اے۔اونہاں نے آکھیا کہ دنیا نوں جان لینا چاہیدا کہ فلسطینی مسئلے دے مستقل حل دے بغیر پائیدار امن ہمیشہ خطرے وچ رہے گا، پاکستان اج وی، ہمیشہ ونگوں فلسطینی بھائیاں دے نال کھڑا اے۔نواز شریف نے ہور آکھیا کہ حکومت پاکستان نوں چا ہیدا اے کہ ہر عالمی فورم اُتے فلسطینی کاز دے حق وچ آواز اُچی کرے، تے مصیبت زدہ فلسطینی عوام نوں خوراک، دوایاں تے ہور انسانی لوڑ دیاں شیواںفراہم کرے