حکومت نے پیٹرول تے ڈیزل اُتے اک وَارفیر ٹیکس وَدھا دِتے

اسلام آباد( پنجابی میڈیا گروپ)حکومت نے پیٹرول تے ڈیزل اُتے اک وارفیر ٹیکس تے مارجن ودھا دتے۔دستاویز مطابق حکومت نے ہائی اسپیڈ ڈیزل اُتے پیٹرولیم لیوی وچ 5 روپے فی لیٹر ودھا کردتا اے۔ایس دے علاوہ ہائی اسپیڈ ڈیزل اُتے لیوی دی شرح 50 روپے توں ودھا کے55 روپے فی لیٹر مقرر کردتی گئی اے۔پیٹرول اُتے لیوی دی شرح 60 روپے فی لیٹر برقرار رکھی گئی اے جَد کہ پیٹرول اُتے او ایم سی مارجن وچ47 پیسے ودھائے گئے نیں۔ پیٹرول اُتے فی لیٹر مارجن 7.41 روپے مقرر کیتا گیا اے۔ ڈیلر مارجن وی 41 پیسے ودھا دتا گیا اے، جس دے بعد پیٹرول اُتے ڈیلر مارجن 8 روپے 23 پیسے لیٹر مقرر ہوگیا۔