سپریم کورٹ ملازماں دی تفصیل فراہم کرن دی درخواست منظور

اسلام آباد(پنجابی میڈیا گروپ)سپریم کورٹ آف پاکستان نے آکھیا اے کہ معلومات تک رسائی دے قنون دااطلاق ساڈھے اُتے ہُندا بلکہ ساڈھے اُتے آرٹیکل 19 اے دا اطلاق ہُندا اے۔عدالت عظمی نے آرٹیکل 19اے تحت درخواست گزار دی اسلام آباد ہائی کورٹ دے فیصلے خلاف اپیل منظور کردیاں ہویاں رجسٹرار سپریم کورٹ نوں ہدایت دتی اے کہ 7 دناں وچ ملازماں دی تفصیل درخواست گزارنوں فراہم کیتی جائے۔سپریم کورٹ نے معلومات تک رسائی دے قنون تحت معلومات دی فراہمی بارے اک اپیل دا فیصلہ جاری کردتا، جیہڑا چیف جسٹس آف پاکستان جسٹس قاضی فائز عیسی نے سُنایامتفقہ فیصلے وچ عدالت عظمی نے قرار دتا اے کہ معلومات تک رسائی دے قنون دا اطلاق سپریم کورٹ اُتے نہیں ہُندا۔عدالت عظمی نے آرٹیکل 19اے تحت درخواست گزار نوں سپریم کورٹ دے ملازماں دی تفصیل 7دناں وچ فراہم کرن دی ہدایت کردتی اے۔کھلی عدالت وچ سنائے گئے فیصلے وچ ہور آکھیاگیا اے کہ معلومات دے حصول دا تقاضا کرن والے اُتے وجوہات دسنا لازمی اے۔ ایسی طرح معلومات فراہم کرن والا وجوہات دے جائزے دا وی پابند اے۔ فیصلے وچ ہور آکھیا گیا اے کہ درخواست گزارنوں انٹرا کورٹ اپیل تے سپریم کورٹ وچ اپیل لئی جمع کرائی گئی فیس واپس کیتی جائے۔فیصلے وچ جسٹس اطہر من اللہ نے اضافی نوٹ وی تحریر کیتا اے۔ عدالت نے قرار دتا کہ تفصیلی فیصلے نوں اردو وچ وی جاری کیتا جائے گا۔