فلسطین دی مظلوم عوام دے نال یکجہتی نال کھڑے ہاں، نگراں وزیراعظم

اسلام آباد( پنجابی میڈیا گروپ) پاکستان نے اسرائیل تے فلسطین دی صورت حال اُتے اپنا موقف واضح کیتا اے کہ اسیں فلسطین دی مظلوم عوام دے نال یکجہتی نال کھڑے ہاں۔وزیراعظم آفس ولوں سماجی رابطیاںدے پلیٹ فارم ایکس اُتے جاری بیان وچ آکھیا گیا اے کہ پاکستان نوں غزہ وچ جاری تشدد تے جانی نقصان اُتے گہری تشویش اے۔ اسیں فلسطین دی مظلوم عوام دے نال یکجہتی دے نال کھڑے ہاں تے غزہ وچ فوری جنگ بندی کرن تے ناکہ بندی ختم کرن دا مطالبہ کردے ہاں۔بیان وچ ہور آکھیا گیا اے کہ اسرائیل داغزہ وچ شہریاں نوں بلا جواز نشانہ بنانا تہذیب دے ساریاں اصولاںدے خلاف تے بین الاقوامی قنون دی صریحاََ خلاف ورزی اے۔ وزیر خارجہ جلیل جیلانی 18 اکتوبر نوں او آئی سی دی ایگزیکٹو کمیٹی دے ہنگامی اجلاس وچ رَلت کرن گے تے غزہ دے لوکاں دی تکلیف دور کرن لئی فوری اقدام اُتے زور دین گے۔