نیب دا وائٹ کالر کرائم ٹاسک فورس بنان دا فیصلہ

اسلام آباد( پنجابی میڈیا گروپ)کرپٹ عناصر دے خلاف گھیرا ہور تنگ کرن لئی نیب ولوں وائٹ کالر کرائم ٹاسک فورس بنان دا فیصلہ کیتا گیا اے ۔ذرائع مطابق ٹاسک فورس وچ4 ملٹری انٹیلیجنس افسراں، سٹیٹ بینک دے افراد شامل ہون گے، ٹاسک فورس وچ ایف بی آر توں 8، ایس ای سی پی دے 2 افسر شامل ہون گے۔ذرائع دا کہنا اے کہ فورس وچ ایف آئی اے ، آئی بی تے پلس سروس توں 2،2 افسر وی شامل ہون گے، چیئرمین نیب نے ٹاسک فورس وچ نویں افسر شامل کرن دی منظوری دے دتی ۔ذرائع مطابق چنے گئے سارے افسرانسداد وائٹ کالر کرائم اُتے عبور حاصل رکھدے نیں، نیب وچ ایف بی آر ، بینکنگ امور تے انٹیلیجنس بیورو توں 3، 3 افسر ڈیپوٹیشن اُتے موجود نیں جدکہ او ایم جی، انفارمیشن تے ایڈمنسٹریشن تے پلس افسر نیب وچ ڈیپوٹیشن اُتے پہلاں توں کم کر رہے نیں۔