روشنیاں دے شہر کراچی وچ اَتگردی دی ذمہ دار ایم کیو ایم اے، سعید غنی

کراچی(پنجابی میڈیا گروپ)پیپلز پارٹی کراچی دے صدر سعید غنی نے آکھیا کہ روشنیاں دے شہر کراچی نوں اَتگردی وچ سُٹن والی ایم کیو ایم اے۔سعید غنی نے آکھیاکہ ایم کیو ایم پاکستان کراچی دی سیاست دا مردہ گھوڑا اے، بوری بند لاشاں تے بھتہ خوری نوں ایم کیو ایم نے اپنی شناخت منیا اے، ایم کیو ایم پاکستان شدید اندرونی انتشار دا شکار اے، ایم کیو ایم نوں پی ایس پی مافیا نے ہائی جیک کرلئیا اے، کراچی دے ضمنی الیکشن دے نتائج نے ایم کیو ایم نوں بلدیاتی الیکشن توں نَسن اُتے مجبورکیتا۔پیپلزپارٹی کراچی دے صدر نے ہور آکھیا کہ ایم کیو ایم اک وار فیر اَت گردی تے دھاندلی ذریعے کراچی وچ الیکشن جتن دے خواب ویکھ رہی اے، ایم کیو ایم پارٹی چھڈن والے کارکناں نوں دھمکیاں دے کے واپس آن دا دبا پا رہی اے، ہُن کراچی وچ ایم کیو ایم دی کوئی ڈرامے بازی نہیں چلے گی۔