مراد سعید دی گرفتاری لئی چھاپہ، گڈی توں بغیر لائسنس اسلحہ برآمد

پشور(پنجابی میڈیا گروپ) پلس نے پی ٹی آئی رہنما مراد سعید دی گرفتاری لئی مارے جان والے چھاپے دوران دی گڈی توں اسلحہ برآمد کرلئیا۔ایس پی ورسک ارشد خان دے مطابق 9 تے10مئی واقعات اُتے مراد سعید خلاف مقدمے درج نیں،پچھلی رات مراد سعید نوں پناہ دین تے گرفتاری لئی چھاپے دوران 2 گڈیاں تحویل وچ لئیاں گئیاں جنہاں وچوں اک گڈی مراد سعید دے نام اُتے رجسٹرڈ اے جَد کہ دُوجی گڈی مراد سعید دے برادر نسبتی دے نام اُتے رجسٹرڈ اے۔ایس پی ورک نے دسیا کہ مراد سعید دی گڈی توں بغیر لائسنس پستول تے کارتوس برآمد کیتے گئے نیں جَد کہ دُوجی گڈی توں2 کلاشنکوف تے7 کارتوس برآمد ہوئے۔ایس پی وردک نے ہور دسیا کہ متعلقہ گھر وچ مراد سعید دے2ملازم وی موجود سن۔