ایم کیو ایم دیاں سیاسی سرگرمیاں توں پیپلزپارٹی بوکھلاہٹ دا شکار ہوگئی، ترجمان متحدہ

کراچی(پنجابی میڈیا گروپ)ترجمان ایم کیو ایم پاکستان نے آکھیا کہ ایم کیو ایم پاکستان دیاں سیاسی سرگرمیاں توں پیپلز پارٹی بوکھلاہٹ دا شکار ہوگئی اے۔ترجمان ایم کیو ایم نے آکھیا کہ پہلاں توں وَدھ مضبوط تے منظم ایم کیو ایم ویکھ کے مخالفاں دیاں نیندراں اُڈھ گئیاں نیں، پیپلزپارٹی نوں کراچی اُتے قبضے دا خواب دھندلا ہُندا نظر آرہیا اے، کراچی والیاں نے دَس دتا اے کہ ایم کیو ایم پاکستان ہی اونہاں دی واحد نمائندہ جماعت اے، پیپلزپارٹی دے سیاسی بونے ہُن کراچی توں اک یوسی دی سیٹ وی نہیں جت سکدے۔ایم کیو ایم دے ترجمان نے ہور آکھیاکہ ایم کیو ایم اُتے الزام تراشی کرن والی پیپلزپارٹی دی کرپشن دیاں داستاناں کراچی دا بچہ بچہ جان دا اے، سب جان دے نیں کہ پیپلزپارٹی نے15ورھیاں وچ کرپشن دا پیسہ دبئی گل کے جائیداداں بنایاں، پورا کراچی جان دا اے کہ پیپلزپارٹی کِنی وڈھی کرپٹ جماعت اے۔ترجمان ایم کیو ایم نے ہور آکھیا کہ اسیں پیپلزپارٹی سنے سارے مصنوعی سیاسی مخالفاں نوں سیاسی تے جمہوری جواب دیاں گے، مخالف تھوڑا ہور صبر کرن ایم کیو ایم اونہان نوں ہور پریشان کرے گی۔