چین نال برادرانہ تعلقات توں وَدھ کوئی اہم نہیں،نگران وزیراعظم

بیجنگ(پنجابی میڈیا گروپ)نگران وزیراعظم انوار الحق کاکڑ نے آکھیا اے کہ پاکستان تے چین دی لازوال دوستی ہر موقع اُتے ثابت قدم رہی اے، پاکستان لئی چین دے نال برادرانہ تعلقات توں وَدھ کوئی ہور رشتہ اہم نہیں۔نگران وزیراعظم نے دورہ چین دوران بیجنگ وچ سی پیک اُتے منعقدہ رانڈ ٹیبل اجلاس دی صدارت کیتی، اجلاس وچ چینی سکالراں، تعلیمی اداریاں تے تھنک ٹینکس دے محققیناں رَلت کیتی۔اپنے خطاب وچ نگران وزیراعظم انوار الحق کاکڑ دا کہنا سی کہ پاکستان تے چین دو طرفہ خصوصی تعلقات نوں پاکستان وچ قومی اتفاق حاصل اے، پاکستان کسی نوں وی ساڈھے گہرے دوستانہ تعلق نوں متاثر کرن دی اجازت نہیں دیوے گا۔اونہاں نے آکھیا کہ سی پیک اک فلیگ شپ منصوبہ اے جیہڑا پاک چین سٹریٹجک تعاون دا مظہر اے، سی پیک دوناں ملکاں دے وَدھ ہُندے اقتصادی و تجارتی تعلقات دی علامت اے، ایہ اک انقلابی منصوبہ اے جیہڑا پائیدار ترقی دے قومی ایجنڈے نوںاگے ودھا رہیا اے۔