سائفر کیس: چیئرمین پی ٹی آئی تے شاہ محمود قریشی اُتے فرد جرم عائد نہ ہوسکی

راولپنڈی( پنجابی میڈیا گروپ)سائفر کیس وچ چیئرمین پی ٹی آئی تے شاہ محمود قریشی اُتے اج فرد جرم عائد نہ ہو سکی، عدالت نے ریمارکس دتے کہ ملزماں اُتے فرد جرم آئندہ سماعت اُتے عائد کیتی جائے گی۔آفیشل سیکرٹ ایکٹ دی خصوصی عدالت دے جج ابوالحسنات ذوالقرنین نے اڈیالہ جیل وچ سائفر کیس دی سماعت کیتی۔ایف آئی اے دی ٹیم، تفتیشی افسر،سرکاری پراسیکیوٹر ذوالفقار عباس نقوی تے سپیشل پراسیکیوٹر ایف آئی اے شاہ خاور تے سماعت لئی اڈیالہ جیل وچ موجود سن، چیئرمین پی ٹی آئی دے وکیل سلمان صفدر بٹ، خالد یوسف تے شاہ محمود قریشی دی بیٹی تے بیٹا زین قریشی وی جیل وچ موجود رہے۔چیئرمین پی ٹی آئی تے شاہ محمود قریشی اُتے فرد جرم عائد نہ ہو سکی تے عدالتی حکم مطابق ملزماں اُتے فرد جرم آئندہ سماعت اُتے عائد کیتی جائے گی۔