سلامتی کونسل: روس دی فلسطین، اسرائیل جنگ بندی دی قرارداد مسترد

نیویارک(پنجابی میڈیا گروپ)سلامتی کونسل وچ روس دی فلسطین تے اسرائیلی جنگ بندی دی قرارداد 4 ووٹاں توں مسترد کردتی گئی۔اقوام متحدہ دی سلامتی کونسل وچ روس نے مشرق وسطی وچ جاری تنازع بند کرن لئی سیز فائردی قرار داد پیش کیتی، روس 15 رکنی باڈی وچ 9 ووٹ حاصل کرن وچ نکام رہیا۔قرار داد دے حق وچ روس نے 5 ووٹ حاصل کیتے جنہاں وچ چین، گیبون، موزمبیق، روس، تے متحدہ عرب امارات شامل نیں جدکہ فرانس، جاپان، برطانیہ، تے امریکا نے مخالفت وچ ووٹ پائے۔روسی قرار داد اُتے سلامتی کونسل دے 6 اراکاناں نے ووٹ دین توں انکارکیتاجنہاں وچ البانیہ، برازیل، ایکواڈور، گھانا، مالٹا، تے سوئٹزر لینڈ شامل نیں۔