اڈیالہ جیل: چیئرمین پاکستان تحریک انصاف دے سیل وچ توسیع

راولپنڈی( پنجابی میڈیا گروپ)اڈیالہ جیل وچ قید چیئرمین پی ٹی آئی تے سابق وزیراعظم دے سیل وچ توسیع کر دتی گئی۔ذرائع مطابق جج ابوالحسنات ذوالقرنین دے حکم اُتے سپرنٹنڈنٹ اڈیالہ جیل نے عمل درآمد کردیاں ہویاں چیئرمین پی ٹی آئی داسیل 35 فٹ توں تقریبا 60 فٹ تک ودھا دتا ۔ذرائع داکہنا اے کہ چیئرمین پی ٹی آئی نے دورانِ سماعت جج ابو الحسنات ذوالقرنین توں سیل بارے 2ہور درخواستاں کیتیاں، جنہاں وچ گھر دے کھانے تے ورزش لئی سائیکل مہیا کرن دی درخواست وی شامل اے۔ذرائع مطابق سماعت دوران جج ابوالحسنات نے چیئرمین پی ٹی آئی توں مکالمہ کردیاں ہویاں آکھیا کہ جیل وچ کھانا فراہم کرن دی ذمے داری جیل حکام دی اے۔ذرائع مطابق جج ابوالحسنات نے سپرنٹنڈنٹ جیل نوں ورزش لئی مینوئل تحت سائیکل مہیا کرن دے وی احکامات جاری کردتے۔