سندھ ہائیکورٹ دا96گز پلاٹ اُتے تعمیر9منزلہ عمارت ڈیگن داحکم

کراچی( پنجابی میڈیا گروپ(سندھ ہائی کورٹ نے کراچی دے علاقے آگرا تاج وچ96گز پلاٹ اُتے تعمیر9منزلہ عمارت مسمار کرن دا حکم دے دتا۔سندھ ہائیکورٹ وچ آگرا تاج اندر96گز پلاٹ اُتے9منزلہ عمارت بنان دے خلاف درخواست اُتے سماعت ہوئی، عدالت نے سندھ بلڈنگ کنٹرول اتھارٹی نوں2ہفتیاں وچ عمارت مسمار کرن دی ہدایت کر دتی۔عدالت نے آکھیا کہ ایس بی سی اے عمارت ڈیگ کے آئندہ سماعت اُتے پیش رفت رپورٹ جمع کرائے، عدالت نے الاٹیز دی درخواست وی مسترد کر دتی۔سندھ ہائی کورٹ نے الاٹیز دے وکیل توں استفسارکیتا کہ کس بنیاد اُتے تُسی ایس عمارت وچ فلیٹ لئے؟ جَد تُسی فلیٹ خرید رہے سن تَد ویکھ لیندے؟ اسیں تہاڈی درخواست مسترد کر رہے ہاں، تُسی چاہو تے معاوضے لئی وَکھ توں درخواست دے سکدے او۔ عدالتی حکم دے باوجود عمارت کھڑی کر دتی گئی اے، عدالتی چھٹییاں وچ بلڈر نے پوری عمارت کھڑی کیتی، عمارت ڈیگن دا حکم دتا جائے