فضل الرحمان نے”سیاسی گنجائش”دافارمولا پیش کردتا

اسلام آباد(پنجابی میڈیا گروپ)جمعیت علما اسلام دے سربراہ مولانا فضل الرحمان نے سیاسی محول تے جمہوریت دی مضبوطی لئی سیاسی جماعتاں نوں تجویز دے دتی۔مولانا فضل الرحمان نے اسلام آباد وچ صحافیاں نال غیررسمی گل بات کردیاں ہویاں آکھیا کہ ساریاں سیاسی جماعتاں اک دُوجے لئی گنجائش پیدا کرن، ویلا آگیا اے سیاستدان تے سیاسی جماعتاں بالغ نظری دا مظاہرہ کرن، سیاسی گنجائش لازمی اے، اختلاف رائے دے باوجود سیاسی گنجائش پیدا کرنی چاہیدی اے۔مولانا فضل الرحمان دا کہنا سی کہ سیاسی منشور، سیاسی موقف دینا سب دا حق مگر اولین ترجیحی پارلیمنٹ دی بالادستی اے، سیاسی جماعتاں اک دُوجے لئی گنجائش پیدا نہیں کرن گیاں تے نقصان سب دا ہوئے گااونہاں نے زور دتا کہ آصف علی زرداری تے بھٹو خاندان نال سیاسی اختلاف دے باوجود پرانے تعلقات نیں، اسیں اک دُوجے دی خوشی و غمی وچ رَلت کردے ہاں، سیاسی انتشار تے خلفشار نال نہ جمہوریت مضبوط ہوئے گی نہ ملکی مسائل حل ہون گے، سیاسی جماعتاں دی آپس وچ گنجائش دا فائدہ کسی اک جماعت نوںنہیں ساریاں سیاسی جماعتاں نوں ہوئے گا۔