پاکستان داابابیل ویپن سسٹم دا کامیاب فلائٹ ٹیسٹ

اسلام آباد( پنجابی میڈیا گروپ) پاکستان نے ابابیل ویپن سسٹم داکامیاب فلائٹ ٹیسٹ کیتا، آزمائشی ٹیسٹ دا مقصد مختلف ڈیزائن، تکنیکی پیرامیٹرز تے ہتھیاراں دے نظام دے مختلف ذیلی نظاماں دی کارکردگی دا جائزہ لینا سی۔آئی ایس پی آر مطابق میزائل سسٹم دا مقصد ڈیٹرنس نوں مضبوط بنانا اے تے فل اسپیکٹرم ڈیٹرنس دے آپریشنلائزیشن ذریعے خطے وچ اسٹریٹجک استحکام نوں ودھانا اے۔میزائل دی لانچنگ تقریب وچ چیئرمین جوائنٹ چیفس آف اسٹاف کمیٹی جنرل ساحر شمشاد مرزا، اسٹریٹجک پلانز ڈویژن تے اسٹریٹجک فورسز کمانڈ دے سینئر افسراں، اسٹریٹجک آرگنائزیشن دے سائنس داناں تے انجینئراں رَلت کیتی تے معائنہ کیتا۔ چیئرمین جوائنٹ چیفس آف اسٹاف نے ساریاں لوکاں دی تکنیکی صلاحیت، لگن تے عزم نوں سراہیا جنہاں نے کامیاب ٹیسٹ وچ تعاون کیتا۔ صدر وزیراعظم پاکستان تے سروسز چیفس نے وی ایس کامیابی اُتے اسٹریٹجک فورسز دے ساریاں ارکاناں نوں مبارک دتی۔