چیئرمین پی ٹی آئی دے پُتراں نال ٹیلیفون اُتے گل بات کران دا حکم

اسلام آباد( پنجابی میڈیا گروپ) آفیشل سیکرٹ ایکٹ عدالت نے چیئرمین پی ٹی آئی دیاں بیٹیاں نال ٹیلی فون اُتے گل بات کران دا حکم دے د تا۔سابق وزیراعظم تے پاکستان تحریک انصاف دے چیئرمین عمران خان دیاں بیٹیاں دے نال ٹیلی فون اُتے گل بات کروان دی درخواست اُتے سماعت ہوئی، جس وچ عمران خان دے وکیل شیراز احمد رانجھا اسپیشل سیکرٹ ایکٹ عدالت اسلام آباد دے جج ابوالحسنات محمد ذوالقرنین دے ساہمنے پیش ہوئے۔عدالت نے ریمارکس دتے کہ ا جے تک اڈیالہ جیل سپرنٹنڈنٹ ولوں ٹیلیفون اُتے گل بات حوالے نال ایس او پیز نہیں آئیاں، آ جان تے ویکھ لیندے ہاں۔ جس اُتے وکیل نے جواب دتا کہ اج وی ایس او پیز نہیں آیئاں۔ تُسی آکھو تے میں عدالت دی معاونت کر دیندا ہاں۔وکیل نے عدالت توں درخواست کیتی کہ چیئرمین پی ٹی آئی نوں جیل وچ ورزش لئی سائیکل مہیا کرنی چاہیدی اے ، جس اُتے جج نے آکھیا کہ سائیکل بارے تے میں پہلاں ہی جیل حکام نوں کہہ چکیا ہاں،بعد وچ آفیشل سیکریٹ ایکٹ خصوصی عدالت دے جج ابوالحسنات محمد ذوالقرنین چیئرمین پی ٹی آئی دیاں بیٹیاں نال ٹیلی فون اُتے گل بات کران دا حکم دے دتا۔ عدالت نے عمران خان دی درخواست منظور کر دیاں ہویاں حکم دتا کہ سپرنٹنڈنٹ اڈیالہ جیل واٹس ایپ ذریعے چیئرمین پی ٹی آئی دی بیٹیاں نال ٹیلی فون اُتے گل کران ۔