ڈالر دی انٹربینک تے اوپن مارکیٹ وچ اُچی چھلانگ، فیر مہنگا ہوگیا

کراچی( پنجابی میڈیا گروپ)ڈالر نے کرنسی ایکسچینج دیاںدوناں مارکیٹاں وچ اک وار فیر اُچی چھلانگ لائی تے اچانک روپے دے مقابلے وچ مہنگا ہوگیا۔کاروباری ہفتے دے تیجے دن دے شروع وچ انٹربینک مارکیٹ وچ ڈالر دی قدر 3پیسے گھٹ کے 277 روپے اُتے آئی لیکن بعد وچ ودھا دا رجحان شروع ہویا تے ڈالر دی روپے دے مقابلے وچ قیمت بتدریج ودھدیاں ہوئیاں 3 روپے 87 پیسے دے ودھا نال 280 روپے 90 پیسے اُتے آ گئی۔ایسی طرح اوپن مارکیٹ وچ ڈالر اک دم4روپے دے ودھا نال281روپے اُتے پہنچ کے بند ہوگیا۔دُوجے پاسے پاکستان اسٹاک ایکسچینج وچ مندی نال کاروبار شروع ہویا جَد79کہ پوائنٹ دی کمی نال کے ایس ای 100 انڈیکس گھٹ کے 49461 پوائنٹ دی سطح اُتے آ گیا،لیکن بعد وچ تیزی دا رجحان شروع ہویا تے پی ایس ایکس وچ 152 پوائنٹ دی تیزی آئی، جس نال کے ایس ای 100 انڈیکس وَدھ کے 49683 پوائنٹ دی سطح اُتے پہنچ گیا۔