نواز شریف آ کے پاکستان نوں دوبارہ2017 وچ لے جان گے ،رانا ثنا

ملتان(پنجابی میڈیا گروپ)مسلم لیگ ن دے مرکزی رہنما و سابق وفاقی وزیر داخلہ رانا ثنا اللہ نے آکھیا اے کہ نواز شریف آن دے بعد پاکستان نوں اوتھے ہی لے جاواں گے جیتھے2017 وچ سی۔ملتان وچ ورکرز کنونشن نال خطاب کردیاں ہویاں مسلم لیگ ن دے سینئر رہنما رانا ثنا اللہ نے آکھیاکہ کَدی جنوبی پنجاب وچ ن لیگ دا وجود نہیں سی، ہُن صوبائی، ڈسٹرکٹ دی سطح اُتے ن لیگ موجود اے، پچھلے کجھ مہینیاں وچ مریم نواز نے پارٹی دے ونگز نوں متحرک کیتا اے۔رانا ثنا اللہ نے آکھیا کہ 21 اکتوبر دی اہمیت دا ساہنوں احساس اے، 21 اکتوبر صرف نوازشریف دی واپسی دا دن نہیں اے، اقتدار توں کَڈے جان بعد ملک نوں بحراناں دا شکار کیتا گیا، سیاست وچ رواداری نوں ختم کیتا گیا،اج عام آدمی مشکل حالات توں لنگ رہیا اے،21 اکتوبر نوں دوبارہ ملک نوں ترقی دے ٹریک اُتے لے کے جاواں گے۔سابق وزیر داخلہ نے آکھیا کہ ساڈھے مخالف ابہام وچ پاندے نیں، مخالف کہندے نیں ایہ سب کسطرح ہوئے گا؟ میں کہندا ہاں اوس طرح ہوئے گا جسطرح نوازشریف نے پہلاں کیتا سی۔