سانحہ کار ساز دے شہیداں نے بینظیر بھٹولئی جاناں قربان کیتیاں، سلیم مانڈوی والا

کراچی( پنجابی میڈیا گروپ)سینیٹر سلیم مانڈوی والا نے آکھیا کہ سانحہ کار ساز دے شہیداں نے بینظیر بھٹو لئی اپنیاں جاناں قربان کیتیاں۔سینیٹر سلیم مانڈوی والا نے یوم شہدا کارساز اُتے پیغام وچ آکھیا کہ سانحہ کارساز دے شہیداں نوں خراج عقیدت تے سلام پیش کردے ہاں، سانحہ کارساز دے شہیداں دیاں قربانیاں نوں ہمیشہ یاد رکھیا جائے گا۔سلیم مانڈوی والا نے ہور آکھیا کہ پیپلزپارٹی اپنے کارکناں تے اونہاں دیاں قربانیاں نوں نہیں بھُلی، پیپلزپارٹی دی قیادت تے کارکناں دی ملک، جمہوریت دیاں قربانیاں دی تریخ وچ مثال نہیں ملدی، پیپلزپارٹی اج وی ملک تے جمہوریت دی مضبوطی لئی کوشاں اے۔پیپلزپارٹی دے رہنما نے آکھیا کہ محترمہ شہید وطن دیاں خاطر آمراں دی آکھاں وچ آکھ پا کے ڈٹ کے کھڑی رہیاں۔