امدادی سامان لے کے طیارہ اج غزہ روانہ ہوجائے گا، ترجمان دفتر خارجہ

اسلام آباد( پنجابی میڈیا گروپ)ترجمان دفترخارجہ ممتاز زہرابلوچ نے آکھیا اے کہ پاکستان نوں غزہ دی صورتحال اُتے شدید تحفظات نیں، پاکستان ولوں چارٹرڈ طیارہ ضروری طبی سامان لے کے اج اسلام آباد توں مصر لئی روانہ ہوئے گا جیتھے اونہاں نوں غزہ پہنچایا جائے گا۔ہفتہ واربریفنگ وچ ترجمان دفترخارجہ ممتاز زہرابلوچ نے آکھیا کہ غزہ وچ اسرائیلی جارحیت دی شدید مذمت کردے ہاں تے فوری سیز فائر دا مطالبہ کردے ہاں ، وزیراعظم انوار الحق کاکڑ نے اقوام متحدہ دے سیکرٹری جنرل گوتریس سیغزہ دا معاملہ چُکیا، تے غزہ وچ قتل و غارت رکوان لئی زور دیندیاں ہویاں آکھیا کہ فلسطینیاں اُتے اسرائیلی جارحیت فوری طور اُتے بند کیتی جائے۔ترجمان دفتر خارجہ دا کہنا سی کہ غزہ وچ نہتے فلسطینیاں نوں بربریت دا نشانہ بنایا جارہیا اے، فلسطین وچ پاکستانی فوج گھلن دا کوئی ارادہ نہیں، پاکستان نے او آئی سی اجلاس وچ غزہ اُتے ٹھوس موقف اختیار کیتا، فلسطینیاں لئی طبی امدادی سامان اُتے مشتمل چارٹرڈ طیارے اج مصر روانہ ہوئے گا، مصر توں امدادی سامان غزہ پہنچایا جائے گا۔