پاکستان ملک بھر وچ انفراسٹرکچر دی ترقی لئی اقدام کر رہیا اے،نگران وزیراعظم

بیجنگ( پنجابی میڈیا گروپ)نگران وزیراعظم انوار الحق کاکڑ نے آکھیا اے کہ پاکستان ملک بھر وچ انفراسٹرکچر دی ترقی لئی اقدام کر رہیا اے۔بیجنگ وچ نگران وزیر اعظم نے سی ای او چائنا کمیونیکیشنز کنسٹرکشن کمپنی وانگ ہائی ہوائی تے چیئرمین چائنا روڈ اینڈ برج کارپوریشن نال ملاقات کیتی ، ملاقات وچ رَلتیاں نے سی پیک تحت سی سی سی سی تے سی آر بی سی دے پاکستان وچ جاری منصوبیاں بارے وچ آگاہ کیتا۔رَلتیاں نے پاکستان وچ انفراسٹرکچر دی تعمیر، قابل تجدید توانائی تے ہوراں شعبیاں وچ اپنی سرمایہ کاری ودھان وچ گہری دلچسپی دا اظہارکیتا۔وزیرِ اعظم نے آکھیا کہ پاکستان نوں ٹرانزیشنل اکانومی بنان تے ملک وچ سیاحت دی ترقی لئی ریلوے تے روڈ انفراسٹرکچر انتہائی ضروری اے۔وزیراعظم نے چینی کمپنیاں دے پاکستان وچ منصوبیاں دی پذیرائی کیتی تے اونہاں دی سرمایہ کاری ودھان وچ دلچسپی دا خیر مقدم کیتا۔ واضح رہے کہ نگران وزیرِ اعظم انوار الحق کاکڑ بیجنگ وچ آزاد عالمی معیشت وچ رابطے دی اہمیت دے موضوع اُتے اعلی سطح دے فورم وچ رَلت لئی موجودنیں ۔