سابق وزیراعظم نے سائفر ویکھ کے کیہ آکھیا؟اعظم خان دے بیان دی نقل حاصل کر لئی گئی

لہور( پنجابی میڈیا گروپ)سائفر کیس وچ دتے گئے اعظم خان دے بیان مطابق سابق وزیراعظم سائفر پڑھ کے پرجوش ہوگئے، سابق وزیراعظم نے آکھیا سائفر اپوزیشن تے ریاستی اداریاں خلاف موثر انداز وچ استعمال کیتاجاسکدا اے تے سابق وزیراعظم نے آکھیا سائفر امریکی اہلکار دی غلطی اے، سابق وزیراعظم نے ایہ وی آکھیا کہ سائفر تحریک عدم اعتماد نکام بنان وچ وی استعمال ہوسکدا اے۔اعظم خان دے بیان مطابق سابق وزیر اعظم نے آکھیا کہ سائفر دی کاپی مینوں دے دیو، سابق وزیراعظم نے آکھیا کہ میں سائفر نوں دوبارہ پڑھ کے جائزہ لینا چاہندا ہاں جس اُتے میں سائفر دی کاپی سابق وزیراعظم نوں دتی جیہڑی اونہاں نے اپنے کول رکھ لئی، جَد سابق وزیراعظم توں بعد وچ سائفر دی نقل منگی تے اونہاں نے آکھیا کہ اوہ گھٹ ہوئے گئی تے آکھیاکہ اوہ سائفر نوں تلاش کرن گے۔اعظم خان نے اپنے بیان وچ آکھیا کہ سابق وزیر اعظم نے ملٹری تے ذاتی عملے نوں وی سائفر لبھن دا آکھیا، سابق وزیر اعظم نے آکھیا سی کہ اوہ سائفرعوام نوں وکھان گے، میں سابق وزیراعظم نوں مشورہ دتا ایہ خفیہ مراسلہ سی جس نوں دسیا تے وکھایا نہیں جاسکدا۔سائفر بارے سابق ڈی جی آئی ایس پی آر لیفٹیننٹ جنرل بابر افتخار نے آکھیا سی سائفر اُتے ڈرامائی انداز وچ بیانیہ دین دی کوشش کیتی گئی تے افواہواں تے جھوٹیاں خبراں پھیلایاں گئیاں جس دا مقصد سیاسی فائدہ چُکنا سی۔