8سالہ بچی نوں جنسی زیادتی بعد ساڑھن والے ملزم نوں3وار سزائے موت دا حکم

پشور(پنجابی میڈیا گروپ)چائلڈ پروٹیکشن کورٹ دی جج حنا مہوش نے جنسی تشدد دے بعد بچی نوں قتل کرن دے مقدمے وچ نامزد ملزم دے کیس دی سماعت کیتی۔دوران سماعت پلس نے دسیا کہ ملزم آصف رضا عرف ملنگ نے 8 سالہ بچی نوں جنسی تشدد بعد قتل کیتا سی،ملزم نے بچی نوں قتل کرن دے بعد اوس دی لاش وی ساڑ دتی وی تے فیرملزم نے سڑی ہوئی لاش قبرستان وچ سُٹ دتی سی۔پلس نے دسیا کہ ملزم خلاف تھانہ بڈھ بیر وچ کئی دفعاں تحت مقدمہ درج سی، پلس نے تحقیقات مکمل کرکے عدالت وچ چالان جمع کرادتا سی۔عدالت نے ملزم اُتے جرم ثابت ہون بعد اوس نوں3 وار سزائے موت تے 10 لکھ روپے جرمانے دا حکم دتا۔واضح رہے کہ 8 سالہ بچی دے قتل دا واقعہ 18 نومبر 2020 نوں پیش آیا سی، واقعے خلاف علاقے دی عوام نے کئی دن تک کوہاٹ روڈ نوںٹریفک لئی بند کیتا سی۔