پی آئی اے بحران؛ نجی ائرلائناں فائدہ چُک کے کرائے ودھا دتے

لہور( پنجابی میڈیا گروپ) پی آئی اے دے مالی تے ایندھن بحران توں فائدہ چُک کے نجی ا ئرلائناں نے اپنے کرائے ودھادتے ،ٹریول ایجنٹس دے مطابق پی آئی اے دے مالی بحران دا فائدہ نجی ائرلائناں چُکن لگیاں نیں، جنہاں نے اندرون ملک پروازاں دے کرایاں وچ بے تحاشا اضافہ کردتا اے۔ اندرون ملک پروازاں اُتے مسافراں توں30فیصد تک اضافی کرایہ وصول کیتا جارہیا اے۔ پی آئی اے بحران دے دوران نجی ائرلائناں نے مسافراں توں کراچی دا دو طرفہ کرایہ 77 ہزار تک وصول کیتا اے جَد کہ کراچی توں لہور دا موجودہ کرایہ 35ہزار توں49ہزارتک وصول کیتا جارہیا اے ۔ بیرون ملک مسافراں دی تعداد گھٹن پاروں نجی ائرلائناں نے کرائے نہیں ودجا سکیاں سکن کیوں کہ بین الاقوامی روٹس اُتے غیر ملکی ائرلائناں نے وی اپنے کرایے گھٹ کیتے نیں ۔واضح رہے کہ پچھلے اک ہفتے توں پی آئی اے دا ڈومیسٹک پروازاں دا شیڈول بری طرح متاثر دی ۔ٹریول ایجنٹاں دا کہنا اے کہ قومی ائرلائناں دیاں پروازاں متاثر ہون پاروں اندرون ملک سفر کرن والے مسافراں دے رش وچ اضافہ ہو گیا سی۔