عمران خان دے وکیل شیر افضل مروت دی فیر لڑائی

اسلام آباد(پنجابی میڈیا گروپ)چیئرمین پی ٹی آئی دے وکیل شیر افضل مروت دی اک وار فیر لڑائی ہوگئی تے ایس وار اوہ اک شہری نال اُلجھ پئے۔شیر افضل دی سپریم کورٹ گیٹ باہر شہری نال ہاتھا پائی ہوئی۔ شیر افضل مروت ایڈووکیٹ نے الزام لایا کہ میں ایس شخص نوں نہیں جان دا ساں، لیکن اوس نے مینوں بلاوجہ گالی دتی۔شیر افضل مروت نے میڈیا نال ہورگل کرن توں انکار کردتا تے ہائیکورٹ روانہ ہوگئے۔ دُوجے پاسے شیر افضل خلاف درخواست دین شہری تھانہ سیکرٹریٹ چلا گیا۔یاد رہے کہ ایس توں پہلاں پی ٹی آئی دے وکیل شیر افضل مروت تے ن لیگ دے رہنما و سینیٹر افنان اللہ دے درمیان لائیو ٹی وی شو دے دوران ہاتھا پائی ہوئی سی تے دوناں نے لَتاں تے مُکیاں دا کُھلا استعمال کیتا سی۔ سینیٹر افنان اللہ نے شیر افضل مروت دے خلاف درخواست دائر کیتی سی ۔