میاں نوازشریف 21اکتوبر نوں اسلام آباد پہنچن گے، اسحاق ڈار

اسلام آباد( پنجابی میڈیا گروپ)سابق وفاقی وزیر خزانہ اسحاق ڈار نے آکھیا کہ میاں نواز شریف 21 اکتوبر نوں اسلام آباد پہنچن گے۔سماجی رابطے دی ویب سائٹ ایکس اُتے اپنے بیان وچ اسحاق ڈاردا کہنا سی کہ قائد مسلم لیگ ن 21 اکتوبر دی سہ پہر اسلام آباد پہنچن گے، اسلام آباد توں نواز شریف لہور روانہ ہون گے۔اونہاں نے آکھیا کہ سابق وزیراعظم نوازشریف لہور مینار پاکستان اُتے جلسہ عام نال خطاب کرن گے۔ایس توں پہلاں سابق وفاقی وزیر اعظم نذیر تارڑ دا کہنا سی کہ نواز شریف 21 اکتوبر نوں اسلام آباد ایئر پورٹ اُتے ہی لینڈ کرن گے، نواز شریف اسلام آباد ایئر پورٹ اُتے لیگل ایشوز نمٹان دے بعد لہور روانہ ہون گے، اوسی دن ہی اسلام آباد توں لہور پہنچن گے۔ایس دت علاوہ اسلام آباد ہائیکورٹ باہر میڈیا نال گل بات کردیاں ہویاں لیگی رہنما عطا تارڑ نے وی آکھیا اے کہ سابق وزیراعظم نواز شریف دی واپسی دے شیڈول وچ کوئی تبدیلی نہیں ہوئی۔