نوازشریف 4ورھیاں بعد اج وطن واپس پہنچن گے

دبئی (پنجابی میڈیا گروپ)مسلم لیگ (ن)دے قائد تے سابق وزیراعظم نواز شریف (اج)ہفتہ نوں دبئی توں وطن واپس پہنچن گے ۔سابق وزیراعظم نواز شریف دی اسحاق ڈار دے بیٹیاں دے گھر اتے دبئی حکومت دی اعلی شخصیت نال ملاقات ہوئی جیہڑی تقریبا آدھا گھنٹہ جاری رہی، ایس دوران پاکستان وچ سرمایہ کاری سنے باہمی دلچسپی دے امور اتے گل بات ہوئی۔دوجے پاسے نواز شریف دی پاکستان روانگی داٹائم وی فائنل ہوگیا اے جس دے مطابق سابق وزیراعظم دی پرواز دبئی دے مقامی وقت مطابق ٹرمنل ٹو توں 9 وجے روانہ ہوئے گی۔نوازشریف دی پرواز FZ 4525 دبئی توں لہور لئی بک اے۔واضح رہے کہ نواز شریف (اج) 4 ورھیاں بعد وطن واپس آن گے جیتھے اونہاں دا طیارہ پہلاں اسلام آباد وچ لینڈ کرے گا جس دے بعد اوہ لہور پہنچن گے۔