لہور: پی ٹی آئی کنونشن اُتے پلس دادھاوا، درجناں کارکن گرفتار

لہور( پنجابی میڈیا گروپ) کاہنہ دے علاقے وچ ضلعی انتظامیہ دی اجازت دے باوجود پلس نے تحریک انصاف دے کنونشن اُتے دھاوا بول دتا۔پلس تے قنون نافذ کرن والے اداریاں نے کاہنہ وچ کنونشن دے مقام توں کئی کارکناں نوں حراست وچ لے لیا۔اہلکاراں نے کریک ڈان کرکے کنونشن لئی جمع ہون والے پی ٹی آئی دے55افراد حراست وچ لے لئے۔پلس نے کنونشن منعقد کرن والے رہنما دے دفتراُتے وی چھاپہ ماریا، دفتردے شیشے توڑ دتے تے پی ٹی آئی دیاں لگیاں فلیکساں تے پوسٹر وی پھاڑ د تے۔واضح رہے کہ ضلعی انتظامیہ نے پاکستان تحریک انصاف نوں حلقہ این اے123کاہنہ وچ22اکتوبر نوں جلسے دی اجازت دتی اے۔پہلاں پہل لہوردی ضلعی انتظامیہ نے تحریک انصاف نوں جلسے دی اجازت دین توں انکارکردتا سی جس اُتے پی ٹی آئی نے لہور ہائیکورٹ نال رجوع کیتا سی۔ عدالت نے درخواست اُتے سماعت کردیاں ہویاں آکھیا سی کہ اگر پی ٹی آئی نوں اجازت نہیں تے فیر کسی نوں وی جلسے دی اجازت نہیں ہونی چاہیدی۔