9 مئی وچ ملوث افراد نوں معافی دلانا ہُن مشن اے، شیخ رشید

راولپنڈی(پنجابی میڈیا گروپ) عوامی مسلم لیگ دے سربراہ شیخ رشید دا کہنا اے کہ 9 مئی وچ ملوث تے روپوش افراد نوں عام معافی دلانا ہُن مشن اے۔سابق وفاقی وزیر شیخ رشید ایکس اُتے ٹویٹ کردیاں ہویاں اکھیا کہ میں ساری قوم دا، اپنیاں ماواں، بہناں، بیٹیاں دا مشکور ہاں جنہاں دیاں دعاواں نال کم و بیش 40 روزہ چلے دے بعد مینوں رہائی نصیب ہوئی۔شیخ رشید نے آکھیا کہ مینوں نہیں معلوم کہ میں ایہ چلہ کس جگہ اُتے کٹیا اے لیکن مینوں چلے دوران کسی وی قسم دی کوئی تکلیف نہیں پہنچائی گئی۔اونہاں نے آکھیا کہ ہُن میری زندگی دا مشن اینہاں ساریاں لوکاں نوں جیہڑے روپوش نیں یا چُھپے ہوئے نیں یا جنہاں توں 9 مئی دی غلطی سرزد ہو گئی اے یا جو بے گناہ جیلاں وچ نیں اونہاں نوں عام معافی دلانی اے۔اونہاں داکہنا سی کہ ساری قوم ایس پُرامن مشن وچ میرے ٹویٹراُتے میرا ساتھ دیوے۔