فاروق ستار نے مفتاح اسماعیل نوں ایم کیو ایم پاکستان وچ شامل ہون دی دعوت دے دتی

کراچی( پنجابی میڈیا گروپ) ایم کیو ایم پاکستان دے سینئر رہنما فاروق ستار نے سابق وزیر خزانہ مفتاح اسماعیل نوں پارٹی وچ شامل ہون دی دعوت دے دتی۔میڈیا اُتے ایم کیو ایم پاکستان دے رہنما فارق ستار نے آکھیا کہ پاکستان جیہڑے حالات توں لَنگ رہیا اے اوس اُتے چنگے لوکاں دی ٹیم بناناضروری اے، ملک وچ سانجھی قومی ایجنڈے دی لوڑ اے تے مفتاح اسماعیل نال ملاقات وچ ایسی قومی ایجنڈے اُتے گل بات ہوئی۔فاروق ستار نے آکھیا کہ کراچی نوں اپناواں گے، بناواں گے ، بچاواں گے تے سمجھو پاکستان نوں بنایا، بچایا تے اپنایا تے ایس حوالے نال مفتاح اسماعیل داا معاشی ویژن بوہت وسیع اے۔ایم کیو ایم رہنما دا کہنا سی کہ مفتاح اسماعیل نوں ایم کیو ایم پاکستان وچ شمولیت دی دعوت دے دتی اے جس دے جواب وچ مفتاح نے سوچ کے جواب دین دا آکھیا اے۔ذرائع مطابق فاروق ستار تے مفتاح اسماعیل دی ملاقات 2دن پہلاں مفتاح اسماعیل دی رہائش گاہ اُتے ہوئی سی۔