اسرائیلی مظالم دے خلاف اسیں سارے اک ہاں،مصطفی کمال

حیدرآباد( پنجابی میڈیا گروپ)ایم کیو ایم پاکستان دے سینئر ڈپٹی کنوینر مصطفی کمال نے آکھیا کہ اسرائیلی و یہودی مظالم دے خلاف اسیں سارے اک ہاں۔ایم کیو ایم پاکستان دے سینئر ڈپٹی کنوینر مصطفی کمال نے ریلی دے رَلتیاں نال خطاب کردیاں ہویاں آکھیا کہ سب جماعتاں تے مسلکاں دے شکر گزار ہاں جنہاں نے فسلطینیاں نال یکجہتی دااظہار کیتا، اسرائیلی ظلم خلاف اسیں سارے اک ہوگئے ہاں۔مصطفی کمال نے آکھیا کہ اگر اج اُمت مسملہ اپنا کردار ادا نہیں کردی تے ایہ شہید بال نکام نہیں ہون گے اوہ کامیابی نال جنت وچ جان گے، امتحان اونہاں بالاں دا نہیں ساڈھا تے تہاڈا اے، ایہ ظالم دا وی امتحان اے تے مظلوم دا وی امتحان اے، ایم کیو ایم نے اپنا دینی انسانی تے آئینی فرض سمجھدیاں ہویاں تہانوں اوس جگہ اُتے مدعوکیتا اے ۔ایم کیو ایم دے سینئر ڈپٹی کنوینر نے ہور آکھیا کہ ساڈھے اختلافات نیں، اگے وی ہون گے لیکن مسلماناں اُتے ظلم دی گل ہوئے گی تے اسیں اک ہاں۔