پچھلی حکومت وچ کسی نوں انصاف ملیا نہ روزگار، معیشت تباہ کردتی،پرویز خٹک

بنوں(پنجابی میڈیا گروپ)تحریک انصاف پارلیمینٹرین دے سربراہ تے سابق وفاقی وزیر پرویز خٹک نے آکھیا کہ پچھلی حکومت وچ کسی نوں انصاف ملیا تے نہ ہی روزگار ملیا، معیشت وی تباہ کردتی گئی۔تحریک انصاف پارلیمینٹرین دے سربراہ پرویز خٹک نے آکھیا کہ ایس ویلے ملک دی معاشی حالت پاروں عوام معاشی بدحالی دا شکار اے، مختلف پارٹیاں نے مختلف نعریاں نال عوام نوں ورغلایا، 35 ورھیاں توں ملک اُتے لوکاں نے اپنیاں تجوریاں بھرن لئی حکومت کیتی۔پرویز خٹک نے ہور آکھیا کہ کیا ایہ ملک ایس لئی آزاد ہویا سی کہ ایتھے بدامنی تے بے روزگاری ہوئے ، ملک دی معاشی صورت حال کیہ اے،3 ارب ہزار خسارے دا بجٹ بنادے نیں، جَد تک ایماندار لوگ حکومت وچ نہیں لیاواں گے پاکستان دی ترقی دا خواب شرمندہ تعبیر نہیں ہوئے گا۔