پی ٹی آئی پی واحد پارٹی اے جیہڑی کنونشناں دا انعقاد کر رہی اے، محمود خان

بنوں(پنجابی میڈیا گروپ)پاکستان تحریک انصاف پارلیمنٹیرین دے رہنما تے سابق وزیراعلی خیبر پختونخوا محمود خان نے آکھیا اے کہ پی ٹی آئی پی واحد پارٹی اے جیہڑی کنونشنزدا انعقاد کر رہی اے۔اپنے اک بیان وچ سابق وزیراعلی خیبر پختونخوا محمود خان نے آکھیا کہ ایہ پارٹی دی اجے شروعات اے، ایس ویلے پارٹی بنائی جدکہ ملک انتہائی مشکل حالات وچ اے۔اونہاں نے آکھیا کہ میںبنوں وچ12 ارب روپے دی لاگت نال سرکلر روڈ بنایا، روزگار دے مواقع پیدا کرن لئی بنوں انڈسٹریل زون شروع کیتا، بنوں بیوٹی فیکیشن ساڈھی حکومت وچ ہوئی، 40 ارب روپے دا اک پراجیکٹ بنوں نوں دتاجس نال بنوں نوا بنوں ہوگیا۔اونہاں نے ہور آکھیا کہ ساریاں مسجداں نوں سولرائز کیتا اے، مسجداں دے اماماں لئی وظیفے مقررکیتے نیں، دوبارہ موقع ملیا تے بنوں نوں حقیقی معنیاں وچ بانی گل بناواں گے۔